«antikorrupsiya agentligi» tegli maqolalar
Uchta bankning 148 nafar xodimi tadbirkorlik bilan shug‘ullangani aniqlandi
Korrupsiyaga qarshi kurashish agentligi “Mikrokreditbank”, “Biznesni rivojlantirish banki” va “Turonbank”dagi 148 nafar xodim 155 ta tadbirkorlik subyektida ta’sischilik qilayotganini aniqladi. Xodimlarga ogohlantirish xatlari berilmoqda. Avvalroq agentlik 6 ta vazirlikda ham shunday holatlarni aniqlangandi.
Antikorrupsiya agentligi 2023-yilda kimlardan va qanday sovg‘alar olganini e’lon qildi
Korrupsiyaga qarshi kurashish agentligi xodimlari 2023-yilda xizmat safarlari, xalqaro va rasmiy tadbirlarda jami 33 mln so‘mlik 26 ta hadya olganini ma’lum qildi. Eng yuqori qiymatli sovg‘alar Qatardagi davlat tashkilotlari tomonidan berilgan.
Bir qator amaldorlar xususiy kompaniyalar ta’sischilari va boshqaruvchilari ro‘yxatidan chiqdi
Korrupsiyaga qarshi kurashish agentligi mansabdor shaxslar o‘rtasidagi manfaatlar to‘qnashuvi holatlari bartaraf etilganini xabar qildi. Ular orasida ikki nafar hokim, vazir o‘rinbosari, Farmatsevtika agentligi, Antidoping markazi, Markaziy depozitariy, PR-markaz va Axborotlashuv markazi rahbarlari bor.
Pedagoglar malakasini oshirish instituti mansabdorlari katta miqdorda pul o‘zlashtirishda gumonlanmoqda
Abdulla Avloniy nomidagi malaka oshirish institutida prorektorga aloqadorligi aytilgan firmaga 2 mlrd so‘mdan ortiq mablag‘ ortiqcha to‘lab berilgani aniqlandi. Antikorrupsiya agentligi manfaatlar to‘qnashuvi yuz bergani va holat bo‘yicha jinoyat ishi qo‘zg‘atilganini bildirdi.
O‘zbekistonda vazirlik va davlat tashkilotlarining ochiqlik indeksi e’lon qilindi
Antikorrupsiya agentligi 2022 yil uchun davlat organlari va tashkilotlarining ochiqlik indeksini e’lon qildi. Unda birinchi uchtalikni Statistika agentligi, Bojxona qo‘mitasi va Toshkent viloyati hokimligi egallagan bo‘lsa, so‘nggi o‘rinlarni «Qishloqqurilish invest», «Yo‘lqurilish» va MTRK band qildi.
So‘rovda qatnashgan deyarli 40% yoshlar pora berishni korrupsiya deb hisoblamaydi — Antikorrupsiya agentligi rahbari
O‘tkazilgan so‘rovga ko‘ra, 39 foiz yoshlar pora berishni korrupsiya deb hisoblamaydi, dedi Antikorrupsiya agentligi rahbari. Senator Mahmud Parpiyevning aytishicha, bu korrupsiyaga qarshi kurashda amalga oshirilishi lozim bo‘lgan ko‘plab ishlardan dalolat beradi.
Mudofaa vazirligi davlat xaridlari sohasida qonunbuzarliklar haqidagi xabarni rad etdi
Mudofaa vazirligi Korrupsiyaga qarshi kurash agentligining davlat xaridlari to‘g‘risidagi qonun buzilishi haqidagi xabarini rad etdi. Huquqbuzarliklar Mudofaa vazirligi budjet mablag‘lariga aloqasi bo‘lmagan «Xarbiy savdo» korxonalarining 5 yillik faoliyati davomida sodir etilgan, deyiladi xabarda.
«Bank tizimidagi korrupsiya xalq ishonchiga putur yetkazmoqda» — Akmal Burxonov
Bank tizimi ta’lim sohasidan keyin eng korrupsiyalashgan tarmoq hisoblanadi, dedi Antikorrupsiya agentligi rahbari. Ikki yilda 676 nafar bank xodimi 354,2 mlrd so‘mni talon-toroj qilgan. «Bu raqamlar islohotlarga soya solmoqda va xalq ishonchiga putur yetishiga sabab bo‘lmoqda», — dedi Akmal Burxonov.
«Toshkent — mamlakatdagi eng korrupsiyalashgan hududlardan biri» — Antikorrupsiya agentligi direktori
Antikorrupsiya agentligi rahbari Toshkent O‘zbekistondagi eng korrupsiyalashgan hududlardan biri ekanini aytdi. Poytaxtda korrupsiyaga oid jinoyatlar soni yil davomida uch barobarga oshgan. Bundan tashqari, internetda korrupsiyaga oid huquqbuzarliklar haqidagi xabarlarning yarmi poytaxt hissasiga to‘g‘ri keladi.
Poytaxt va 7 ta hudud hokimiyatlari mahalliy budjetlar ochiqligi bo‘yicha talablarni buzdi
Toshkent shahri va 7 ta hudud hokimiyatlari ochiq ma’lumotlar to‘g‘risidagi qonun hujjatlariga zid ravishda mahalliy budjetlarning ijrosi va birinchi chorakda mablag‘larni yo‘naltirish maqsadlari to‘g‘risidagi axborotlarni joylashtirmagan. Ular Antikorrupsiya agentligi tomonidan ogohlantirildi.
Shofirkon tibbiyot birlashmasida 1,2 mlrd so‘mlik kamomad aniqlandi
Antikorrupsiya agentligi Shofirkon tumani tibbiyot birlashmasi faoliyatida 1,2 mlrd so‘mdan ko‘proq moliyaviy xato va kamchiliklarni aniqladi. Birlashmada aslida ishlamagan xodimlar uchun oylik ish haqlari to‘langani, tibbiyot texnikalari qimmat narxda sotib olingani, pullik tibbiy xizmatdan tushgan mablag‘lar maqsadsiz sarflangani aytilmoqda. Holat yuzasidan jinoyat ishi qo‘zg‘atildi.
Shaxmat federatsiyasiga budjetdan mablag‘lar to‘g‘ridan-to‘g‘ri ajratilmagan — Antikorrupsiya agentligi
Antikorrupsiya agentligi Shaxmat federatsiyasi bilan bog‘liq moliyaviy operatsiyalarni o‘rganib, federatsiyaga 2020−2021 yillarda budjetdan mablag‘lar to‘g‘ridan-to‘g‘ri ajratilmaganini aniqladi. 2021 yilda faqat Turizm va sport vazirligi 6 ta tadbir uchun federatsiyaga 2,8 mlrd so‘m mablag‘ bergan. Agentlik Shaxmat federatsiyasi NNT bo‘lgani bois, uning faoliyatini to‘xtatib qo‘yish uchun hujjatlarni Adliya vazirligiga yubordi.
Davlat idoralarida qarindosh-urug‘chilikka yo‘l qo‘ygan mansabdorlarni javobgarlikka tortish taklif etildi
Antikorrupsiya agentligi Mehnat kodeksiga davlat organlariga o‘zaro yaqin qarindosh yoki quda-anda bo‘lgan shaxslarni ishga qabul qilishni taqiqlovchi o‘zgartishlar kiritishni taklif qildi. Qarindoshligi haqida xabar bermagan xodimlarga 5,4 mln so‘mgacha, xodimlarning qarindoshligini bila turib chora ko‘rmagan mansabdorlarga esa 8,1 mln so‘mgacha jarima qo‘llanilishi mumkin.
Korrupsion jinoyatlarni sodir etgan shaxslarning reyestri to‘g‘risidagi qonun qabul qilinadi
Antikorrupsiya agentligi rahbari Akmal Burxonov Korrupsion jinoyatlarni sodir etgan shaxslarning reyestri to‘g‘risidagi qonun ishlab chiqilganini ma’lum qildi. Uning so‘zlariga ko‘ra, qonun loyihasi yaqin kunlarda jamoatchilik muhokamasiga qo‘yiladi.
Korrupsiyada aybdor deb topilganlarni davlat xizmatiga qabul qilmaslik taklif etildi
Adliya vazirligi korrupsiyaga qarshi kurash bo‘yicha prezident farmoni loyihasini muhokama uchun e’lon qildi. Unga ko‘ra, korrupsion jinoyatni sodir etganlarning ochiq elektron reyestrini yuritish, ularning davlat xizmatida ishlashi va saylovlarda qatnashishini taqiqlash taklif etilmoqda. Shuningdek, korrupsiyaga oid jinoyatlar uchun javobgarlikning kuchaytirilishi kutilmoqda.
Antikorrupsion agentlik Coca-Cola korxonasining xususiylashtirilishi jarayonining davom ettirilishiga e’tirozi yo‘qligini ma’lum qildi
Korrupsiyaga qarshi kurashish agentligi Coca-Cola korxonasining xususiylashtirilishi bo‘yicha Davaktiv munosabatiga javob berdi va jarayonning davom ettirilishiga e’tirozi yo‘qligini ma’lum qildi.
Davaktiv agentligi Coca-Cola korxonasi bo‘yicha tenderni to‘xtatish to‘g‘risidagi Antikorrupsion agentlik taqdimnomasiga munosabat bildirdi
Davaktiv Antikorrupsiya agentligining «Coca-Cola Ichimligi Uzbekiston, Ltd»ni xususiylashtirish bo‘yicha tenderni to‘xtatishni so‘rab kiritgan taqdimnomasiga munosabat bildirdi. Davaktiv Antikorrupsion agentlik va jamoatchilik bilan xususiylashtirishni xalqaro amaliyot qoidalariga muvofiq holda sotish jarayoni yuzasidan hamkorlik qilishga tayyorligini bildirgan.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- Xonanda Shirin Abdullayeva 19 yoshida vafot etdi (1)
- O‘zbekistonning har bir tuman va shahrida kamida bittadan inklyuziv maktab tashkil etiladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- Video: Buxorodagi xonadonda gaz portladi
Qo‘shimcha imkoniyatlardan foydalanish uchun saytda ro‘yxatdan o‘ting